Jowai: Ki paidbah ka thaiñ Ri-War Jaiñtia wa em ha khappood waka ri Bangladesh da chem ki ya i eh i khoo hei yatoh wa u sarok Wahkdait-Dawki hadooh wa ha kiwa boon ki chnong.
Ha ka 25 tarik ki laad pathai khubor da yoh ki wow sylli ya ini chirup wa kiwa yahkhmat ka chnong hei emlang ka seiñ War Jaiñtia Youth Council wei da chem wa i sih u sarok da man ko cha wa palat nalor wa khian u sarok.
Hei sakhiat u wa dadep pynheh nadooh na Pynursla ter ter hadooh Wahkdait wa chaneiñ hadooh Dawki da sah ko kamjooh i sih hadooh wa da wanrah ko chiboon i chitom wa i ma ya ki paidbah ha i lai i wan khamtam wa kani ka thaw toh kawa ka-it bha kiwa wan uiñke suwari wow lai luti.
Kiwa yahkhmat ka War Jaiñtia Youth Council wa kynthup ya u Daniel Khongsit, u Sordar ka Raij Mukertila u P. Kongwang da pynsñiaw ki wa neidaw wa khian u sarok da wanrah yei sakhkut ki kari man ka sngi neibhah i lai ki Truck boonsien da booh ko yei eh ya ki paidbah khamtam ha ka kjut ka chitom wei heipor wa beh kaam wa jhan.
Da ong u leh wa na ki por cha ki por da dep lai ood ki cha ka tnat PWD tangwa ym jooh mih soh ko.
Da pynsñiaw ki leh wa ka yingkieñ Dawki kawa da chna nadooh u snem 1931 da em ko hei ma neibhah ka sorkar ym chna de ko ya ka katkam wa emkaam.
Da dawa ki wa ka sorkar toh u leh ko yeiwa emkaam ha kani ka samoi wa boon bha ki bru wa wan cha kani ka thaw wei lada wyrchaw yeiwa boon i wan ki bru cha kani ka thaiñ katkam wa man ki luti ki synkieñ ym yahaap de wa ka juk wa katni.
Da dawa ki na u MLA ka Amlarem wa Pynursla wow chimkhai ki wow pynthikna wow pynheh ya u surok.
Da pynbaad ki leh wa em ki surok wa chna da ka Dhar Company kiwa da sih du hapoh le bnai donhi.
Discussion about this post