Chem ka KSU EJHDU ya ki kchu napoh ka krem wa rieh u Kiang Nangbah

Ka KSU EJHDU lyngba ka Cultural Cell ryngkat waka KSU Shnongrim Unit da yoh ki wow lai yooh kjat wei wow pait ya ka krem Kut Sutiang wa ka krem Khmat Wah Tisha wa em ha ka chnong Shnongrim ka Elaka Nongkhlieh, East Jaiñtia Hills.

I parom da ong wa ka krem Kut Sutiang toh ka krem wa lai yut rieh u Woh Kiang Nangbah wa ki chipai yong oo heipor wa yakhun pyrchah ya ki dohlieh hawa joor bha ka thma ha ki snem 1862-1863.

I thmu yong ka seiñ wow lai khnang cha kani ka thaw toh yow pynsah naam ya kitai ki krem wa bna naam heiwa ki juk wow wan yow tip ki ya ka parom rim (History).

Da ong ko wa da emkaam bha wow pynneh pynsah yei yong u warim kamjooh ki thaw wa da booh naam kiwa u Blai da e sñiawbha u cha ki bru.

Hapoh ka krem Kut Sutiang da chem ya ki kchu chet wa da rim bha wa ya ki moo wa sariem kam ki chuki heiwa katkam ka parom, u Woh Kiang Nangbah wa kiwa yahkhmat u da chong yalang ki.

Related posts

TUR Slams Meghalaya Government for Enabling Illegal Coal Mining, Demands Accountability After Thangskoo Tragedy

February 8, 2026

Da pynlait Rs. 24 lak cha kiwa yap neiwa jia ha ka krem mooyong ha East Jaiñtia Hills

February 8, 2026

Ka KSU EJHDU hajrong ini da kyntu ko ya ka sorkar wow leh sorjamin ya kini ki thaw wa em ka History khamtam wow pynman ya ki kam ki thaw uiñke suwari heiwa ki bru na kylleiñ ka pyrthai u tip ki.

Ka seiñ hajrong ini i kaam daw booh ko dei thoh cha ki bor wa toh u pait wei wow thooh leh ki laad yarap yow pynbna naam ya kitai ki thaw wa kiwi kiwa em hapoh ka District.