Jowai: Ka KSU Mawprem Circle sa chisien da pynman biang ko ya ka khynra Work Permit ya ki baar jylla ki wakreh hapoh u pood u ang ka ka Mawprem Circle.
Ya kani khynra da pynman ha ka chnong Lama Villa wa em hajan ka KHADC heiwa ki dkhot ka seiñ da chem ki kamwa 40 ngut ki baar jylla ki wakreh khlem ki Work Permit wa kiwi ki kot ki sla wa emkaam.
Ya kani ka khynra da yahkhmat da u Sam Shylla, GS KSU Mawprem Circle, uwa da pynsñiaw yei khyrngiat wa kammon wot hajan ka yung krehkaam ka KHADC leh ki baar jylla nood ki wow kreh khlem ki kot ki sla wa biang. Da ong chooh chooh u wa hadien wa pynmih yaka NRC ha Assam, ka Circle u pynjoor chooh chooh ko ya i khynra ym du yaka Work Permit wei ya kiwi kiwi ki kot ki sla khnang wa kitu kiwa chah kyntait ha ka NRC wym yoh ki u psiah khlieh hapoh u pood u ang ka Mawprem Pyllun.
Neiliang ka KSU Malki Circle leh da pynman ko yaka khynra Work Permit ya ki baar jyll ki wakreh hapoh u pood u ang ka Malki Circle. Ya ini khynra da pynman ha ka chnong Malki waroh kawi, wei ki dkhot ka seiñ da chem ki kamwa 30 ngut ki baar jylla ki wakreh khlem em ki Work Permit wa kiwi ki kot ki sla wa emkaam.
Ya kani ka khynra da yahkhmat da u Badapkupar, GS KSU Malki Circle. Ka seiñ da pynsñiaw ko wa ya ka khynra da pynman hadien wa pynbna yaka NRC ha Assam, ka Circle daw pynjoor chooh chooh ya i khynra ym du yaka Work Permit wa kiwi ki kot ki sla khnang wa kitu kiwa chah kyntait ha ka NRC ym wan psiah ki cha ka chnong Malki .
Discussion about this post