Chem kawi ka manbei yei khonboo wa dang kha wa noh ha rood sarok ka East Jaiñtia

Kawi ka manbei wa tip kam ka Jeny Sukhian na chnong Khaidong, East Jaiñtia Hills District, ha ka miet yong ka 29 tarik u April da yoh ko wow pynlait im ya iwi i khonboo iwa dang kha wa em wa noh ki. Ya ini i khonboo da chem na rood sarok ka thaaiñ Umpleng, East Jaiñtia Hills District heipor 9:30 i miet. 

Ka Jeny da khana ko wa ha katai ka miet manda dep ko wow khang yei dukan ko wa em ha Umpleng wei hawa dang mut ko wow lai liwan cha yung deilang wa ka khon, da sñiaw ko yei yaam i khonboo wei kamtæ da pynsangeh ko ya ka kari wei da lai thooh yeini i khonboo heiwa da chem toh iwa da chah ieh khlem da pynsap sula ha rood sarok ha Umpleng.

Kani ka manbei da rah ko ya ini i khonboo cha yung wei da sumaar bha wei pynchit wei e baam ko ya ini i khonboo wei da pynsap leh da ki sula khonboo.

Ha ka sngi wa bood da lai pyntip ko cha ki pulit ka Umpleng yeiwa chem yeini i khonboo, kamtæ ki pulit da e kti ki yei kaam cha ka Women Police Station Khliehriat. Hadien ini da e kti won cha ka chnat Child Welfare East Jaiñtia Hills District wei kattæ ini i khonboo da em i hei pait ki Doctor wa ki Nurse ka Sutnga CHC.

Related posts

Da em kiwa suba wa wan noh ya ki tadong pynlang snaam ha rood ka wah Myntdu

May 1, 2026

Pynkup burom kiwa sikai SSA wa 4th Teachers ya u Conrad Sangma

May 1, 2026

Neiliang ka Women Police Station Khliehriat da Register ki ya ka mukotduma wei ka takit da lai ko chakhmat.

Da pyntip leh wa ini i khonboo toh iwa dang dep kha kamwa du chi sngi wei kattæ da man i iwa chait wa khiah wei da pynsñiaw ki yei kmen wa da chem yeini i khonboo deiwa dang im wei iwa chait wa khiah.