Ki chipai ka Border Security Force (BSF) ynnin ka sngi da chem ki ya iwi i metyap kawi ka khynnah wa 16 snem na khappood Bangladesh wa ka India ha jylla Tripura.
Ki chipai BSF katwa dang uiñ ki ha khappood hajan Latiapura Border Outpost wa em hapoh ka Kailashahar da chem ki ya ini i metyap kani ka khynnah wei ini i thaw haap i ha Unakoti District ka Tripura.
Da suba wa kani ka khynnah toh kawa na Bangladesh wei i metyap ko da chem 50 metre na u pood kini ki ar ri.
Neiliang ki pulit wa ki Forensic Team deilang wa ki Magistrate da hiar ki cha ini i thaw wow leh yeiwa emkaam wei da phah kit yei metyap cha District Hospital ka Kailashahar yow pyndep ya ka Post-Mortem.
Katkam i takit da suba wa kani ka khynnah toh kawa na Juri iwa haap ha ka Kulaura Police Station ka Moulvibazar District, Bangladesh.
Em leh ki khubor kiwa da kam wa kani ka khynnah da chah siat ko ha ki Border Guard ka Bangladesh heipor wa mut ko wow psiah chapoh India hei miet ka 1 tarik heiwa da wan lang ko wa ka bei wa u pa ko deilang wa uwi uwa yahluti ki.
Discussion about this post