Ynne i step heipor kamwa 10:00 waje da chem ya iwi i khonboo chynrang harood ka wah Myntdu ha i bynta ka Rampyrthai ha i thaw wa dang haap hapoh u pood u ang ka Dorbar Chnong Loomiongkjam, Jowai.
Ya ini i khonboo da chem da kiwa lai khwe wei mar tip yeini neiliang u Waheh Chnong, u Mehiwan Challam da pyntip u wut-wut cha ki pulit ka Jowai Women Police Station.
Neiliang u Challam da pyntip u wa neiliang ki pulit da wan chimkti noh ki ya ini i khonboo khnang wow ye u leh yeiwa emkaam.
