theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Pynchong sy’ir ki pulit ya ki paidbah: SNSBH

Advertisement ad1

Ka Synjuk ki Nong Synshar Shnong ka Bri Hynniewtrep (SNSBH) da beiñ joor ki yei chah siat u Cherishterfield Thangkhiew, khamtam hajrong i lai lait yong ki pulit ya u waheh chnong khlem da kynjoh ktien ha i por wa lai ki wow khynra.

U R.L. Blah da ong u wa ini i leh da booh ko hei eh wa khroo hawa yatoh wa ka sorkar lada kam kini ki jia u jia ki, iwa da pyndooh chaniah leh ya ki paidbah.

Da ong u wa neiliang ka Synjuk da e ko i kti timun tidiang wow ya krehlang wa ka sorkar, tangwa hawa poi ya kam kini ki khep da lai lait ya ki bor chnong, deiwa pynrap wa da toh u pyntip ya u waheh chnong hawa em ki hapoh ka chnong wa wan ki neibynta ki kaam, wei khlem pep u waheh chnong u yarap u wow khut ya u Cherishsterfield.

Da ong wa ini i leh ki pulit da pynsñiawsih ko neibhah wa ha i thaw wow ya ka krehlang neibynta wow wanrah ya ka chong suk chong saaiñ, hawa toh ki kiwa ksoh ya ka aiñ, ki hi wa pynchong sy’ir ya ki paidbah wei pyndooh ki leh yei chaniah.

Da ong chooh chooh wa ki pulit toh u kem ki dei kem ya u bru ym toh wow pyntkut yei mynsien hakhmat ka yung ka sem.

Ha i jooh i por uwa yahkhmat ka Synjuk da phah u leh yei sñiawlem cha ka dorbar chnong ka Mawlai Kynton Massar wa kamjooh cha ka Mawlai Town Dorbar, deiwa ong wa kani u man ko ka sien kawa khaddooh neibhah da ktah ya waroh ki dorbar chnong ka Bri u Ynñiawtrep.

Ha iwi won i liang u Blah da kyntu u ya kiwon kiwon ki kynhun wow kiar nei pynmynsoo næ booh bomb ha ki thaw paidbah neibhah i dooh u man bait ko ya ki bru wa lui lui ki wym tip iyi iyi leh.

Share this:
Previous

Chem ki paidbah ya i khonboo narood ka wah Myntdu

Next

Ympu krehkaam ki Waheh Chnong Jowai wa ki bor District