Ki paidbah ka chnong Umtyra, East Jaiñtia Hills ha ka 19 tarik uni u bnai da chem ki ya i metyap yong kawi ka kynthai kawa ym tipmit na i thaw wa tip kam i Um-im ha u sarokbah NH-06 iwa jngai kamwa 4 Km na Umtyra.
Da antaad wa ini i metyap toh i yong ka bru kawa em hapyrdi 30-35 snem i rta wei ymtip ya i daw wa khlaad ko.
Neiliang ki pulit da leh ki yeiwa emkaam wei da booh ya ini i metyap ha Morgue Room ka Khliehriat CHC.
Kani ka bru jrong ko kamwa 4 ft, u sñiooh ko u rong yong, sap ko ya ka phrok wa lieh wa ki dur syntu rong ktieh wa rong bneiñ wei deiñ ko leh ya u Rosary dieñ, ki sah-chkoor rong rupa wa u moo rong soo kamjooh u klip rong soh khontara.
Kamtæ ki pulit ka District da kyntu ki ya ki paidbah wa tipmit ya kani ka bru wow pyntip cha ka email ID [email protected] yong u SP ka East Jaiñtia Hills District.
