Ki pulit ka East Garo Hills da chem ki ya chiboon tylli ki kuli suloi na i khloo wa em ha Nengmadalgre kiwa da suba toh ki yong ka GNLA.
Ya kini ki kuli da chem hadien wa da yoh yutip wa tikna ki pulit ka East Garo kiwa da lai wut wut ynne ka sngi yow thooh ya i thaw wa da tlep ya kini ki kuli na i khloo wa em cha palat ka wah Simsang.
Da chem ya 85 tylli ki kuli 7.71mm wa pynemkaam daka Sniper Rifle kiwa thap hapoh ki tadong Plastic wei da rah noh yaki cha ka Williamnagar Police Station yow leh ya iwa emkaam.
Dang pteiñ wow thooh yaki tiar yasiat kiwa dang ye u chah murieh heiwa ki pulit ka East Garo hills da dep ki leh wow chem ya kiwa boon ki tiar yaleh kiwa da dep tlep da u Sohan D Shira uwa jooh man kam u Commander-in-chief ka GNLA uwa da dep chah siat yap haki pulit.
