U Superintendent of Police ka North Garo Hills District, Resubelpara, da pyntip u wa da chem yei metyap iwi i khonboo kynthai na ka wah Rongdal hajan ka chnong Rangsa wa dang haap hapoh ka Kharkutta Police Station ha ka 15 tarik uni u bnai.
Katkam wa pyntip ki pulit, kiwa chong chnong ka Rangsa da yoo ki yei metyap ini i khonboo wa pær ha ka wah heipor 9:00 waje i step wei da pyntip ki wut-wut cha ki pulit ka Kharkutta Police Station kiwa da lai chimkti yei khongboo.
Yei metyap da phah cha u District Medical and Health Officer (DM&HO), North Garo Hills yow pyndep ya ka Post-Mortem wei da booh ya i khonboo ha Mortuary ka Mendipathar Community Health Centre (CHC) yow em kiwa wan kam.
Neiliang ki pulit da pyrchang ki wow thooh ya ka bei u pa ini i khonboo tangwa ym pu em chem ki.
Kamtæ da Register ya ka Case ha ka Women Police Station ka North Garo Hills, Mendipathar deiwa pynngat hapoh ka Section 91 wa 94 ka Bharatiya Nyaya Sanhita (BNS).
Ki pulit da kyntu ki ya kiwon kiwon kiwa tip chaphang ini i khonboo wow Phone ki ha kini ki Number- 9863395143 lane 8974499912.
Discussion about this post