Kawi ka kynthai kawa 21 snem na Bonda, Guwahati ya kawa tip kam ka Himashri Boro da chem yei metyap yong ka na luti rel ha Andhra Pradesh ha ka 7 tarik uni u bnai.
Ka Himashri, kawa man kawa puræ ha B. Borooah College, da lai luti ko da ka rel Kanyakumari–Dibrugarh Vivek Express na Visakhapatnam cha Guwahati.
Ha i step ka 6 tarik heipor kamwa 2:39 da Phone ko cha kawi ka lok ko yow pyntip wa chah pyndik ko ha ki kattu katni ki khynroo hapoh ka rel.
Manda poi ka rel ha Guwahati Railway Station da chem wa da wiar ko wei da ieh ko chadien ya ki tiar hapoh rel.
Yei metyap ko da chem na i thaw wa tip kam i Tikulampur wa haap hapoh ka Andhra Pradesh.
Ka Bonda kawa man kam kawa chaad tynre da lai ko cha Visakhapatnam yow lai chaad deilang kiwi wei man ko ka dkhot ka SBJ Dance Group kiwa em 10 ngut tangwa da liwan ko samen cha Guwahati yow yaleh ya ka Banking Exam ha ka 10 tarik uni u bnai.
Da ku rel ko ha ka 5 tarik wei da yoh leh ka CCTV wow riñ wa ku rel hi ko.
Discussion about this post