Shillong: Ki pulit ka Sadar Police Station ynne ka sngi da chem ki ya i thaw wa thang ya ka lama India da ki bru ki wym tipmit. Katkam ka khubor wa da yoh na ki pulit, katai ka thaw toh ha kynroh yong ka Bible Society of India kawa em ha Madan Student, Jaiaw.
Ki pulit ka Sadar Police Station wa ka Crime Scene Unit (CSU) da lai sylli ki ya katai ka thaw wei da yoh ki leh ya ki sabut wa dang sah na katai ka thaw wei da phah noh cha ka Forensic Science Laboratory (FSL) ha Mawdiangdiang.
Kam wow pynkynmoo wa ha ka 27 tarik uni u bnai da pynpoor ya kawi ka Video ha kawi ka ‘Facebook Page’ kawa da pynyoo wa da thang ya ka lama yong ka Ri India da ki bru wym tipmit, wei neiliang yong ki pulit ka East Khasi Hills District da ujor ki da ka ‘Suo Moto Case’ pyrchah ya katai ka Facebook Page kawa da booh ya katai ka Video.
Discussion about this post