Ka seiñ HYDC East Jaiñtia Hills District ynne da pyntip ko wa da chem yei metyap uwa kreh ka Max Cement ha Ms. Pnar Petrol Pump wa em hapoh ka chnong Mookhep hajan Ladrymbai.
Katkam wa takit ka seiñ, da chem ko wa uni toh uwa wan kreh mylla ha katai ka karkhana deilang wa kiwi kiwa na Garo Hills wei da lai pyntip ki cha ki pulit heiyatoh wa ini.
Tangwa da phylla won yei wym poi ki pulit cha katai ka thaw hadooh wa da hap wow pyntip cha ka Max Cement kawa da pynkit noh yei metyap cha Civil Hospital Khliehriat yow leh yeiwa emkaam.
Neiliang u Working President yong ka HYDC East Jaiñtia Hills, u Mihsalan Thoo da kylli u wa ileh wa ka Max Cement wym ye ko wow kitkhia ya kiwa kreh ko kiwa chong wa sah hapoh ka karkhana.
Yei daw wa yap uni u bru ym pu tip tangwa da suba wa em wa wan noh yei metyap heini.
Discussion about this post