Pteiñ i pynbna ka sorkar pyrdi ya ka HNLC kam ka seiñ wa pyrchah aiñ

Ka seiñ Hynniewtrep National Liberation Council (HNLC) da chah pynbna ko kam ka “Unlawful Association” namo ka seiñ ki bru wa man pyrchah aiñ hapoh ka Unlawful Activities (Prevention) Act (UA(P)A), 1967.

Yeini da pynbna da ka Tribunal ka UAPA wa khlieh da u Justice Saumitra Saikia deiwa pynksan yei rai ka Ministry of Home Affairs deiwa khang (Banned) biang ya ka HNLC sa san snem deiwa e daw yei man skem man chngaaiñ ka ri kamjooh neibynta kiwa chong chnong.

Ka Ministry of Home Affairs da pynmih hukum ko nyngkong ha u Khonchonglad (Dec) 2000 yow pynbna ya ka HNLC kam ka seiñ wa man pyrchah ya ka aiñ wei ha kani ka Tribunal wa kattæ da phah ka HNLC yow muktiar yong ka, u Fernando Shangpliang yow yasaaid neibynta yong ka katwa u Subhash Chandra da mih u neibynta ka sorkar pyrdi wei ya ka sorkar jylla da mih u N. Syngkon.

I pteiñ wow pynbna wei tipmit ya ka HNLC kam ka seiñ pyrchah aiñ da pteiñ i khaddooh ha ka 13-11-24 wei kattu u pteiñ wow tipmit ka kamjooh biang sa san snem deiwa kheiñ nadooh u 2024 hadooh u 2029.

Related posts

Ym ye wow bichaar ya ki Appeal ka KHADC wa u Acting Syiem pyrchah ya u Ainam Manik Syiem

August 18, 2026

Da e kti biang ya ka khet ka Hima Mylliem cha u Ainam Manik Syiem

August 18, 2026