Ha i e sumaar mynkna namo ka Free Health Camp neibynta u paitbniah yei kjut khlieh wa tip kam i Cervicogenic Headache kawa da pynman ha Maia Multispeciality Clinic wa em ha Lad Sutnga Khliehriat chirup i yakrehlang ka North East Adventist University Khliehtyrshi, lyngba ka Department of Physiotherapy ha ka 25 tarik uni u bnai, da em hadooh kamwa 85 ngut kiwa wan phah paitbniah yei chitom.
Kani ka kjut Cervicogenic Headache toh i kjut khlieh wa wan na ki thied rdang wei kawa da boon kiwa yoh katni neidaw wa pynemkaam Mobile Phone ware boon kynta, i khih kreh deiwa chong man-ka-sngi, kiwa yah kari jngai wa kiwi de.
Ha kani ka sngi na ki 82 ngut wa da wan phah paitbniah yei chitom, da em hadooh kamwa 65 ngut kiwa yoh yei kjut khlieh lyngba u thied rdang, kamwa 5-6 ngut kiwa kjut khlieh na kiwi tawon ki daw, wei 10 ngut won toh kiwa chitom da kiwi won ki jait kjut.
Heiyatoh wa i jop kani ka Health Camp, neiliang ka Organising Committee ka Physiotherapy Department, North East Adventist University Khleihtyrshi, dap ko dei sñiawngooh wei sñiawkmen wa da em hadooh 82 ngut kiwa yoh myntoi ha kani ka sngi.
Ka Dr. Junita Kyndait (Neuro Physiotherapist) pyntip ko wa kini ki 82 ngut wa wan, boon na ki toh kiwa kreh mylla sngi wa kiwa chong yung donhi.
Da pynche ko leh deiwa ong, “Lada kini kiwa kreh mylla wa kiwa chong yung ye ki u yoh yeini i kjut, katwon tam ya kitu kiwa kreh Office kiwa kreh haka kor Computer waroh chi sngi”.
Kamtæ neibynta kitu kiwa kreh dei chong waroh chi sngi kyntu ko ya ki wow chim ki yei por man ka ar kynta deiwa leh Exercise ya u rdang, u pynkhih ya ki kti ki kjat wei lada ye u leh du 5 minit leh da biang hi.
Heiyatoh wa i sumar Physiotherapy neibynta kani ka kjut, ong ko wa da em leh ha ATS Campus Khliehtyrshi hei pait ki Assistant Professor yong ka Physiotherapy Department NEAU wa kynthup ya ka Dr. Junita Kyndait (Neuro Physiotherapy) kawa da kreh palat 7 snem, u Dr. Hormot Pyngrope (Ortho and Sports Physiotherapist) uwa da kreh palat 8 snem, u Dr. Amedwent Kyndait (Ortho and Sports Physiotherapist) uwa da kreh palat 4 snem, ka Dr. Clarity Marwein (Community Physiotherapist) kawa da kreh palat 3 snem.
Neitæ ha kani ka Maia Multispeciality Clinic wa em ha Khliehriat leh e sumaar ko boonjait nadooh i por 8:00 waje i step hadooh 7:00 waje i janmiet man-ka-sngi lait noh ha ka sngi Sunday.
Heiyatoh i sumaar Physiotherapy, ha kani ka Clinic da em 2 ngut ki Doctor wa kynthup ya ka Dr. Junita Kyndait kawa kreh Part Time, kawa man leh kam ka HOD yong ka Physiotherapy Department ha North East Adventist University wa ka Assistant Professor warim ka Sikkim Manipal Medical College of Medical Sciences, ka Assistant Professor warim ka USTM wa ka Dr. Judymerry Marwein (Clinical Physiotherapy) kawa em bait man-ka-sngi.
Heiyatoh ka Internal Medicine wa kynthup yei kjut chini wa kiwi tawon ki jait kjut waphær waphær da pait da u Dr. Nichwa LS Nongtdu, Managing Director ka Maia Multispeciality Clinic, uwa man leh u Senior Consultant Internal Medicine & Diabetology, MBBS, MD, Fellowship in Internal Medicine & Diabetology, Senior Medical Monitor, PV & Clinical Research Bharat Serums and Vaccines Navi Mumbai, uwa jooh man Doctor kam u Senior Resident VMMC & Safdarjung Hospital, uwa jooh man kam u Assistant Professor ka North East Adventist University, u Peer Reviewer Cureus Journal of Medical Science Springer Nature Group, United States of America.
Heiyatoh i sumaar khynnah da pait da u Dr. Robert John Nongtdu, Medical Superintendent, Maia Multispeciality Polyclinic, Medical Officer uwa jooh kam u Medical Officer ha ka Children’s Hospital wei uwa da pliah bha wow e yei sumaar neibynta ki khynnah.
Heiyatoh i sumaar khmat da pait da ka Aronia Syrti, Consultant Optometrist, kawa pyndep yei puræ na Assam Down Town University, kawa da kreh la le snem wei kawa da pliah bha wow leh ya ki Comprehensive Eye Examination, Vision Assessment & Optometry Services.
Heiyatoh i sumaar lamieñ da pait da ka Dr. Wanbud I Ki Bamon BDS (Dental Surgeon), Fellowship in Oral Maxilo Facial Surgery & Conservative Endodontics (The Academy of Dental Excellence, New Delhi).
Heiyatoh ka Cosmetology (pynmiat sniehdoh) da pait da ka Dr. H.C. Bareh, BHMS, PGDCC (Cosmetologist and Trichologist) kawa da kreh hei kaam Cosmetology la ar snem wei kam ka Doctor Homeopathic la 6 bnai ha Khliehriat CHC.
Kawi won ka e sumar toh neibynta ki chkoor, khmut wa u thylliej (ENT).
Discussion about this post