Ynne i step heipor kamwa 9:30 ki pulit ka West Jatiñtia Hills da yoh yutip ki wa da chem ya iwi i metyap yong kawi ka kynthai na Chahtngit, Jowai wei hajan itæ i thaw da em kawi ka kari Maruti Dzire kawa kylla.
Ini i metyap toh i yong kawi ka kynthai kawa em hapyrdi 25-26 snem i rta wei ya i metyap yong ka da pynkit cha Jowai Civil Hospital Ialong wow leh yeiwa emkaam.
Katkam ka yutip wa da yoh na ki pulit, da ksoh ki ya u tre kani ka kari uwa yah ya ka uwa ym em yut na ini i thaw wa jia wei katni dang pynman ya ka takit yow tip yeiwa sakhiat.
Heijooh i por ki pulit da ong ki wa katkam wa man katni ymye u ong wa lada kani ka kynthai da chah tynyap ko namo wa khlaad ko hadien wa kylla kani ka kari.
