Chem yei chna tooh ka Rainbow CSC ya ki Schedule Tribe Certificate ki san ngut

Ka yung krehkaam u Deputy Commissioner ka East Garo Hills, Williamnagar da pyntip ko wa u Jonathon B. Sangma uwa man u Manager/Operator ka Rainbow Common Service Centre (CSC), Rongsak da chna tooh u ya ki Schedule Tribe Certificate yong ki san ngut ki bru khlem yohbor.

Uwi na kini ki bru wa yoh ya ka Schedule Tribe Certificate thok na ka CSC da lai u cha ka yung krehkaam u Deputy Commissioner, East Garo Hills wow yaleh ya ka Aadhaar Card tangwa da chem wa ka ST Certificate toh kawa da chna thok hadien wa Scan ya ka QR Code.

Related posts

I yakhih toh wow dawa yei hok khnang wow pyndap ya u kpoh wa ka yung ka sem, ong ka manbei na Tuber Kmaichnong

November 6, 2025

Pynche ka MCTODA yei dawa deiwa kyrpaad wow pynlait ya ki President ka seiñ

November 6, 2025

Ini i leh uwa pynlai ya ka CSC man i iwa pyrchah ya ka aiñ.

Kamtæ da maham wa lada em kiwon kiwon ki Manager/Operator næ ki tre ki Common Service Centres, Cyber Cafés, Kiosks wa ki Browsing Centre chna tooh ki ya ki Schedule Tribe/Schedule Caste Certificate, Court Order neibynta ka sngikha, Income Certificate, Permanent Residence Certificate, Certificate wow psiah kreh pulit næ chipai daw chah pynngat ki hapoh ka Section 319 (2), 335, 234 wa 337 yong ka Bharatiya Nyaya Sanihita wei daw pynchitom ya ki.