Ki pulit ka Jammu and Kashmir da khana ki wa ki Terrorist ha Pahalgam kiwa da siat yap ya ki 26 ngut ha u Naitung uni u snem da thied Mobile Phone Charger ki Online yow yoh ki wow yaklam wa ki heh yong ki wa kiwa rap ya ki.
Ki pulit da kem ki leh ya u bru na Kulgam uwa da yarap ya kini ki Terrorist wei ya uni u bru da kem na Srinagar.
Ha ka Operation Mahadev, ki pulit da yoh ki ya ki Mobile Charger na i khloo ha Dachigam heipor wa kini ki Terrorist chah siat ki ha u Naiynñiaw.
Da chem leh ya uwi u Charger wa ka Mobile Vivo T2X 5G (Aurora Gold) wei manda takit na ka Vivo da chem wa da thied na ka Flipkart da u Musaib Ahmad Chopan u tre ka Iqbal Computers uwa da phla won wa da dai u ha u Muhammad Yousuf Katari.
U Katari da su u Rs. 14,500 lyngba ka mPay ha ka 24 Naisan yeiwa da pynsakhiat yeini da ka J&K Bank Transaction.
Hawa takit ya u Katari, da phla u wa da yarap u ya kini ki Terrorist wa tip kam u Afghan Bhai, u Suleman Shah wa u Jibran heipor wa dang rieh ki ha khloo Dachigam.
Ya kini ki le ngut da pynbna pyrtuid leh da ka National Investigation Agency (NIA) wa siat yap ya ki 26 ngut ha Baisaran Meadow, Pahalgam.
Ka NIA ha u Naiynru da kem ko ya u Bashir Ahmad Jothar na Hill Park wa u Parvaiz Ahmad na Batkote wei kini da yarap ki ya kini ki Terrorist.
Discussion about this post