Kiwa yahkhmat ka seiñ HITO ynne da chah khut hajir ki deiwa phah wan mih cha ka Sadar Police Station wa em ha Shillong neidaw wa riam ki da ki “Black Uniform” wei yeini i phah hajir ki toh kamtam ka Section 171 ka CrPC.
Neiliang ki dkhot ka HITO da mih paidbah ki wow lai cha kani ka Sadar Police Station deiwa rah lang ya ki Placard wa ong nadooh ynnu wa du ki pulit wa emhok wow riam da ki sula rong yong.
Hadien ini i phah hajir, neiliang ki dkhot ka HITO da lai toor ki cha ka Secretariat heiwa ki pulit da yang chwa deiwa khang ya ka luti nadooh na i thaw wa em ka SBI Main Office hajan Police Bazar yow khanglaad ya ki dkhot ka HITO.
Ki pulit kam chibynta wow tympra ya ki dkhot ka HITO kiwa da em boon ngut wa da yalang, da sdang ki wow kawang da ki Tear Gas heiwa ki dkhot ka seiñ won da kawang ki da ki moo wa ki klong cha ki pulit.
Ki dukan wa boon wa em ha GS Road chadooh cha Khydailad leh da man ki kiwa khang neidaw wa tieñ ki ya joor ka kulmar.
Discussion about this post