Chi rta phah kset ka yung bichaar ya uwa pynyap kurim deiwa ah rdang ha Jowai

Ka yung bichaar u N.A. Khan, District and Sessions Court, Jowai, da rai pynrem deiwa phah kset waroh chi rta ya u Shwamiki Law uwa da pynyap pyn ya ka kurim u, ka Daphibanker Phawa.

Kam wow pynkynmoo wa ini da jia i ha ka 11-10-18, heiwa u pa u Shwamiki Law da ujor FIR u ha Jowai Police Station, wa heipor 11:50 i miet, u khon u u Shwamiki Law, uwa sah ha ka mala wa nyngkong kani ka yung deilang ka kurim wa le ngut ki khon, da psiah u cha ka kamra thiah u deiwa em kha ha rdang u wei ym ye de u wow klam deiwa kdaw dei kti wa em iwa jia ha i thaw sah ki.

Kamtæ da lai u cha kani ka yung heiwa da chem u wa ka kurim u Shwamiki da chah pynyap ko deiwa em wa ah rdang ka da ki bru wym tip.

Ya kani ka takit da leh da ka WPSI I Kharpran deiwa Chargesheet hapoh ki kyndon 307/302 ka IPC.

Related posts

Chah kem ki 3 ngut ki Bangladeshi deilang wa uwa na India wa yah kari ya ki

March 3, 2025

Chah tooh ka Scooty na pchem yung ha Mowkaiaw

March 1, 2025

Hadien wa pyndep yei bichaar da chem wa u Shwamiki Law hi wa pynyap ya ka kurim u wei da phah kset oo chi tra deilang ka kuna kawa Rs. 5000.

Ka yung bichaar da phah ko leh wa e poisa yarap Rs. 6 lak cha ki le ngut ki khon kani ka manbei wa da khlaad noh.

Kam wow kdaw heini wa ini toh iwa da jia ha iwi i yung wa em ha Riatsiatsim, Jowai wei heipor wa poi ki pulit ha kani ka thaw wa jia da chem ki wa kani ka manbei da thiah yap ko hei snaam wa boon wei uni u kurim ko leh da mynsoo u nei chah ah ha rdang hi.

Hadien ini da chem leh ya kawi ka tari ah kwai kawa da murieh kawa pynemkaam wow leh yeini i kaam heiwa kiwa boon ki bru da suba ki wa u Shwamiki hadien wa pynyap u ka ka kurim u deiwa ah rdang, da ah u pyn da oo ya oo hi yow lait ki pulit wow suba wa toh oo wa leh yeini i kaam.

Ka Daphibanker Phawa man ko kam kawa sikai skur kawa em 29 snem i rta heipor wa jia ini wei ini i yung wa sah ki toh i yong ka bei u kurim ko.