theme-sticky-logo-alt
theme-logo-alt
Advertisement ad1
Advertisement ad1

Chi tayaw ym emkaam wow su bai Tollgate ki kari kamai ha Ialong: JSM

Ynne ka sngi ka seiñ Jaiñtia Students Movement (JSM) da yoh ko ya ka ujor na kiwa yah kari kamai heiwa da kam ki wa ka Tollgate ha Ialong syndet syndet da chim palat dor ki na ka T. 30 cha ka T. 60 chi kari. 

Hadien ini neiliang ka JSM hapoh i yahkhmat u Ribok Biam uwa man u President ka Western Region ka seiñ da lai ki cha kani ka Tollgate wow takit yeini wei da chem wa ini i kam kiwa kamai kari toh iwa sakhiat heiwa ka bai Tollgate da pynku na ka T. 30 cha ka T. 60.

Neiliang u Biam da pyntip u wa manda poi ha kani ka Tollgate da yaklam wa ki bor wa pynlai ya kani ka thaw wa kamjooh ki bor pynlai chnong ka Ialong, u E. Pale wei i yaklam da neh i kattu katni por. 

Hadien ini neiliang ki bor chnong da Phone ki cha ki bor District wei wot ki bor District leh ymtip ki wa da pynku ya kani ka bai Tollgate. 

U Biam da pyntip u wa hadien ini da yaklam wa ki bor pynlai kani ka thaw wei ka seiñ da chim noh ko ya i rai wow kyntu ya ki kari kamai (Commercial) wym emkaam de ki wow su ya ka bai Tollgate hadooh kamwa chi tayaw kat hadooh wympu ye u pynbait ya i dor. 

Ini toh ya ki kari kamai wym em ya u FASTag heiwa ini wa dep da rai wa ya ki kari kamai i dor wa hap ki wow su toh T. 30.

Puræ leh: U uiñ biang cha i dor warim ha ka Toll Plaza

Share this:
Previous

Da pynlait ya u khoo wow saam mynkna ha Amlarem Sub-Division

Next

Daw jied ya 75 ngut kiwa yah thuk-thuk wow uiñ suwari ya ka thaaiñ North East