Chim ka Siya Rs.1 klur na u Ketan deiwa ong yow pynkhreh bia tangwa e ko waroh cha u Chetan

I takit yeiwa chah pynyap u heh spah uwa na Pune, u Ketan Agarwal (26 snem) pyn ha ka kynthai wa mut u wow bia wa tip kam ka Siya Goyal (20 snem) deilang wa u chan ko, u Chetan Chaudhary (22 snem), da chem ki pulit wa da chim ka Siya Rs. 1 klur na u Ketan yow pynkhreh yei bia tangwa ya kani ka poisa da e ko ka cha u Chetan.

Ki pulit da chem ki wa ka Siya deilang u Chetan da pynkhreh ki da slem wow pynyap ya u Ketan wei wow bia ki hadien le snem.

Ya ka Siya wa u Chetan dadep kem ki da ki pulit wa emkti ki wow ngiat ya u Ketan na riat wa em ha Lohagad Fort, Pune ha ka 18 tarik uni u bnai.

Ka Siya da chim ko ya kani ka Rs.1 klur na u Ketan deiwa ong yow lai thied tiar kiwa emkaam neibynta i bia tangwa da e kti ko ya ka poisa cha u Chetan yow skem i khih i khan u neidaw wa wan u na ka manyung wa dooh wa duk heiwa da ong u ya ka Siya wa emkaam u le snem wow pynman yei khih i khan u iwa ye u pynyoh nong.

I thmu ki toh hadien wa yap u Ketan, u yang ki le snem wei yow bia ki yow lait u em kiwon kiwon kiwa suba.

I takit ki pulit da chem ki leh wa u Chetan da yang chwa u hei thaw wa mut ki wow leh yeini i kaam deiwa rieh wei mar ya chong ka Siya mih u yow ngiat ya u Ketan.

Da ong leh wa i sooh buit toh yow chong ka Siya deiwa pynleh u kdoh tylle juti yow lait ko u chah taanlang lada jia iwon iwon.

Ki pulit da chem ki leh wa u Chetan da wan u na Pune cha kani ka Fort deiwa pynemkaam da ka Scooty wei da lai luti u kamwa 90 Km heiwa da ieh u ya ka Phone u ha dukan u yow lait u em ka GPS Tracking wa pynyoo wa lai u cha kani ka thaw.

Manda poi u ha kani ka thaw da riam u da ki sula tlang yow murieh yei dur hanla ka sngi man ko kawa chit bha.

Related posts

Pyntikna ki pulit wa i Video wa chah thaap chah kyrtem ka kynthai toh iwa jia ha Nongstoiñ Bypass

June 29, 2026

Hadooh 15,000 ngut thmu uwi wow pynyap ya kiwa lai Muharram deiwa saam dawai kuli wa chna dei bih

June 29, 2026

U Chetan dapoi u leh cha kani ka thaw kamwa 34 minit chwa u poi ka ka Siya wa u Ketan.

Ki pulit da chem ki leh wa yeini waroh da pynkhreh wei da sooh buit nadooh u bnai May wei dadep pyrchang ka Siya wow leh yeini chisien ha ka 14 tarik uni u bnai tangwa u Chetan da yoh u wow ksoh ya ki phlang tæ ym em haap u.

Kamtæ manda pyrchang biang sa chisien da rai wow wanlang wa u Chetan yow pyntikna wa da pyndep yei kaam.