Iwi i Video wa da poor bha kattæ ha WhatsApp heiwa da yoo ya kawi ka kynthai kawa da yaam sñiawsih kawa da mut wow kynthiar najrong yingkieñ heiwa da wan uwi wow ksoh ka tangwa hadien da wan sa uwi uwa da thaap ka wei da ngiat u ka leh na khlieh kam wow pynhaap najrong yingkieñ wei manda pat kani ka kynthai ha khyndaw da kyrtem u yei khlieh ko.
Yei thaw wa jia da pyntikna toh ha West Khasi Hills ha i bynta ka Nongstoiñ Bypass wei ki pulit da ong ki wym em yoh ujor ki tangwa da chimkhia ki wow takit yeini.
U SP ka West Khasi Hills, u Herbert Kharkongor da ong u wa mar ya tip yeiwa em ini i Video da leh ki yeiwa emkaam yow tipmit ya u bru wa tba kti ya kani ka kynthai kamjooh yow tipmit ya ka kynthai.
Ha ini i Video da yoo wa em boon ngut ki chynrang kiwa da sangeh ha rood sarok tangwa ym tip ynnu wa da jia ini waroh.
Discussion about this post