Ka sorkar India wa ka Asian Development Bank (ADB) ynne da soi soskular ki neibynta ka ram (Loan) wa $1.5 Billion wow yarap wow yakhun ya ka khlam u COVID-19, wei deiwa chimkhia ya ki kaam wa toh u leh wut-wut kam wow khang yei poor uni u khñiang wei wow yada na uni u khñiang, kamjooh leh wow yada ya kiwa wan na ki manyung wa dooh ha ka imlang sahlang wa kiwi kiwi.
Kiwa soi ya kani ka soskular wow chim ram ya kawa da tip kam ka ADB’s COVID-19 Active Response and Expenditure Support Programme (CARES Programme) toh u Sameer Kumar Khare, Additional Secretary (Fund Bank and ADB), na ka Department of Economic Affairs in Ministry of Finance wa u Kenichi Yokoyama, Country Director, ADB India.
Chwa ini ka Board of Directors ka ADB da rai ko wow e ya kani ka ram wow kyrchaan ya ka sorkar wow yakhun ya kani ka khlam wa kiwi kiwi.
U Khare da ong u wa kani ka e yarap poisa ka ADB daw yarap ko leh wow pynkrehkaam ya ki program wa da sdang ka sorkar pyrdi ha u Wisu (March) 2020 wow yakhun ya kani ka khlam.
Ka India da chim ko ya ki kattu katni ki bynta wa ki kaam wow khang yei poor kani ka khlam u COVID-19, kam wow kdaw heini kini kynthup ya ka $2 Billion wow pynjanai ya ki rukom e sumaar (deiwa chna ya ki Hospital, ki Laboratory), ki Insurance ya ki wakreh ha i chait i khiah, i saam kum chet LPG mynkna, wa kiwi kiwi.
Discussion about this post