Hajrong ka thong wow pynsñiawthooh paidbah yei maa wa mih neiwa dih sikret baam duma khamtam hapoh ka jylla Meghalaya, ynnin ka sngi ki khynnah ka Government Girls’ Higher Secondary School, Jowai da mih sarok ki yow lai paidbah deiwa kbai kyr’iaw hakhmat ki paidbah wa lai wa wan kiwa chong yaaw chong haat yow tip u sñawthooh ki yei maa u sikret duma khamtam yei chait i khiah.
Ha kani ka lai paidbah da rah lang leh deilang waki Banner, ki Placard wa da thoh yaki kyntien waphær waphær deilang ki dur iwa yatoh wow kyntu dam noh u pynemkaam duma sikret.
Ya kani ka lai paidbah da pynman deiwa lai lyngba ka Chutwakhu, Iawmusiang, naphrang ka yung krehkaam u DC neitæ won da uiñ biang ki cha skur.
Kani man ko leh kam chibynta ka World No Tobacco Day 2024 heiwa hapoh ka jylla da pynman hajrong ka phang wa ong “My Meghalaya- Tobacco Free Meghalaya” kawa da pynman leh kam ka yakob hapyrdi ki skur wa em hapoh ka jylla.
Discussion about this post