U Montri Rangbah ka jylla, u Conrad K Sangma ynne ka sngi da chimbynta u hei wow pynmiat ya ka Mawlai namo ka Beautification Programme ha Mawlai Kynton Massar hei emlang u MDC ka Mawlai, u Teibor Pathaw, u Rangbah Shnong ka Mawlai wa kiwi kiwi ki khynroo ka Mawlai Kynton Massar.
Hawa e yei klam u Conrad da dap u dei mynsien wa kmen wow embynta ha ini i kaam heiwa da ong u wa waroh kwah ki wa ka chnong ka thaw u man ko kawa miat. Da pyntip u leh wa ka sorkar jylla da pynlait poisa ko ya ka Shillong, Tura wa Jowai wow pynmiat ya ki chnong yong ki iwa man kam chibynta yong i lehkmen dap 50 snem ka jylla.
Da yaroh u leh ya ki Volunteer kiwa da yaleh wow pynkhooid ya ka wah Umsawlong kawa man kawa emkaam bha ya ka Mawlai Kynton Masar wa kiwi ki chnong wa marjan heiwa da pynbna u leh ya ka song poisa wa T. 2.5 lak ya ini i kaam.
Heiyatoh wa i kyrriah ya ka ktem ka CRPF Camp na Mawlai, da ong u wa i kaam dang lai i chaphrang wow thooh thaw salan neibynta ini. Da kular u leh wow chimkhia hajrong i slah sahkut kari ha Mawlai wei wow thooh laad wow kynthup ya ka MGNREGA deiwa yaklam wa ki chnat wa emkaam.
