December 2, 2022
Ka Woodland WK Hospital, Sabahmuswang ynnin ka chi tarik da lehwarom ko yaka World Aids Day chirup i krehlang waka Jaiñtia Students Movement JSM kamjooh leh waka Jaiñtia Network for Positive People (JNP+).
Ya kani ka lehwarom da pynman haphrang ka Family Mart Shopping Mall, Khliehriat East Jaiñtia Hills.
Ha ka yalang da yoh yei kyntien pdiang burom na u Wellson Siangshai uwa man u President ka JSM- Eastern Region wa i klam na u Dr. D. Paslein (RMO) uwa da batai ha iwon i rukom wa poor uni u khñiang kjut wei kammon ye wow chim dawai wow pynkhlan ya i doh i pran.
Heijooh i por da pynyoo leh ka Drama wa tbian heiyatoh wa uni u khñiang kjut.
Ka R. Siangshai kawa man ka Secretary ka JNP+ da khana ko kammon wa chah paitkhmat kiwa em ya uni u khñiang kjut wei da pyntip ko leh wa em ka aiñ wow yada ya i hok yong ki.
Ka R. Suchiang kawa man ka President ka JNP+ da khana ko wa ki daw wa da sdang ya ka seiñ wei kammon ka seiñ yarap ko wow syllok wa kiwi tawon wow e mynsien ya kiwi kiwa im wa uni u khñiang kjut.
Da pynkut yaka yalang da ki kyntien khublei na ka Sister Wandaroi Suchiang.
