December 2, 2022
U National President ka National People’s Party (NPP) uwa man leh u Montri Rangbah ka jylla, u Conrad Kongal Sangma da ong u wa u yakhun bait u na kawi ka Constituency ha ka Election MLA na South Tura.
Ka khubor wa hær katni da ong wa u Conrad Sangma u yakhun u na ar tylli ki Constituency ha ka Election MLA 2023, hawa kylli yeini, neiliang u Conrad da kyntait u wa ym em kam itæ tangwa kamwa man hi dang thmu u wow yakhun u du na South Tura.
Ini i klam wa u khlieh dooh ka NPP daw yakhun u na ki ar tylli ki Constituency da poor bha i hadien wa ka NPP da chah pynrem ko ha u kyrtong ka BJP, u Bernard N Marak ha ka Election MDC kawa da man ha u snem wa da dep, wei u Bernard da pynkhreh u leh wow yakhun pyrchah ya u Conrad na South Tura ha ka Election MLA wow wan.
U Conrad da ong u wa ym em daw u wow ieh ya ka South Tura wei dang chaniah u ya ki paidbah ka Constituency, wei heiyatoh wa i yakhun sa na kawi tawon ka Constituency ym pu rai sakhiat u, tangwa da ong hi-eh u wa daw pait yei man i long ha ki sngi wow wan.
