Uwi na kiwa chong chnong ka Daistong, Elaka Nongkhlieh hawa klam ha ka yalang wa da pynman da ka KSU ha pchem ka yung krehkaam u DC ha Khliehriat hakhmat u mot u Kiang Nangbah, da ong u wa kamwa man kattæ ha i thaw wow booh ya ka Cement Plant ka Shree Cement, soodong em ki hali pynthor wa ka wah.
Heiyatoh won yei thmu wow tih ya u moochuni, da ong u wa boon kiwa chong chnong kiwa em thaw ha katai ka thaw wa mut u tih, wei da beiñ u ya u Dolloi wa da e u yei thaw yong ki cha ka Shree Cement yow tih ko ha Lum Syrman khlem da tip ki kam ki tre thaw.
Da pynsñiaw u leh yei kyrchaan ya iwa da dawa ka KSU wow pyndooh pyndam noh ya ka Public Hearing wa dang dep pynman.
Da ong u wa kiwa chong chnong ka Elaka kiwa kyrchaan ya ka Shree Cement deiwa kam kiwa yahkhmat wa daw wanrah ko ya ka roi ka paar tangwa hei yoo u wa kjit ko yeiwa da em ha i wot yei thaw i bhaw leh knieh ko wei wan pynsih ko yei thaw rep thaw riang.
Kamtæ da ong u wa ini ymtoh katæ ka roi ka paar namo ka Development tangwa i yoh nong ki kattu katni ngut kiwa yahkhmat ka Elaka næ ki kattu katni ngut ki Politician wei kam kiwa chong chnong toh i dooh nong donhi.
Hajrong ini da paan u yei kyrchaan yong waroh wow beh syndon ya kani ka karkhana.
Ha kani ka yalang da klam leh da kiwa yahkhmat ka KSU deilang ka HSYF.
Discussion about this post