Ka Atishi Marlena kawa dadep chim smai kam ka Chief Minister ka Delhi ha ka 21 tarik, da chim ko yei thaw yong ka ynne ka sngi tangwa ym em chong ko ha ka chuki u Chief Minister warim, u Arvind Kejriwal tangwa da chong ko ha ka chuki wa em ha chrooh.
Da ong ko i daw wym chong ko ha ka chuki u Kejriwal man ko kam ka dak wow burom yei hap hiar chuki u.
Ka Atishi u man Chief Minister ko soo bnai chwa wow man Election wei da nujor ko yeini wa hap leh ko kam i parom ka Ramayana heiwa u Bharat da booh u dei slipar dieñ u Ram ha ka khet heipor wa hap yut u.
Da ong ko wa u Kejriwal da pynyoo u ya ka nongmuna kammon u leh deiwa em burom ha ki kaam Politics deiwa hiar chuki wei ka BJP da leh ko katwa ye yow pynsih yei dur yei naam yong oo.
Da sñiawskem ko wa manda man Election ha u Thohlakhmi (Feb) 2025, ki paidbah daw wanrah biang ki ya u Kejriwal yow chong u ha kani ka chuki kam u Chief Minister wei kat hadooh itæ i por kani ka chuki u man ko kawa thylli.
Ka Atishi da man ko kam ka kynthai wa le wow man kam ka Chief Minister ka Delhi wei kawa 17 ka kynthai hapoh waroh kawi ka ri wow ksoh ya kani ka kyrdan.
Discussion about this post