15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Chimkti ka tnat Transport Department ya waroh ki Weighbridge ha jylla
Dakhang won ya kawa em ha Ynñiawmer

0 Comments
Advertisement ad1

Jowai : Katkam ka yutip wada yoh da ong wa ka sorkar jylla lyngba ka Transport Department ynnin ka 7 tarik da pynmih ko yaka hukum wow chimkti noh ya waroh ki weighbridge wa em hapoh jylla.

Hapoh jylla waroh em kamwa 13 tylli ki Weighbridge wei da e mukotduma ka sorkar ya ki neidaw wa boon ka poisa wa sah watoh u su ki cha kani ka tnat.

Iwa phylla toh wa ha kani ka hukum da ong wa waroh ki Weighbridge wa da chimwai da ki bru na ka tnat Transport u chimkti wei wow pyllai yaki da kani ka tnat nadooh ynne ka 8 tarik.

7thmile1

Hapoh ka West Jaiñtia Hills em ar tylli ki weighbridge kawi ha Dawki katwa kawi won ha Ynñiawmer, harood u sarokbah NH 44.

Ynne i sngi da lai kiwa kreh kani ka tnat Transport yow chimkti ya ka Weighbridge wa em ha Ynñiawmer tangwa kiwa chimwai yaka da pyrchah ki yeini deiwa kam wa ki biang hi i su bai wai ki cha ka sorkar. Wei hadien ini i pyrchah da yoh yaka hukum wow khang yaka chipor hadooh wa mih da kawi tawan ka hukum.

Katwa hei janmiet won ki bor District ka WJH chirup wa u DTO u ma P. Laloo u Addl. SP u ma C. Syrti wa u EAC u ma L.T. Tariang da lai ki cha Ynñiawmer yow sakhi  yei tympiah ya u tylla wei da psiah chapoh wow thoh ya ki tiar ki tar wa em hapoh kani ka yung.

7thmile2

7thmile3

Katkam ka khubor da ong wa dadep e yaka Notice cha waroh kini kiwa chimwai Weighbridge heiyatoh weini.

Da pyntip leh wa ka Weighbridge wa em ha Dawki man ko kawa da khang.

Advertisement ad1

0 Comments

Leave a Reply