Shillong: Ka Executive Committee (EC) ha Khasi Hills Autonomous District Council (KHADC) ynne ka sngi da chong yalang ko wow phyllu yumut hajrong i e yumut ka Consultative Committee hajrong ka KHAD (Khasi Social Custom of Lineage) Act.
Tangwa ha ka yalang, u HS Shylla, Chief Executive Member (CEM) ka KHADC, da ong u wa dang em kawi ka bynta kawa yatoh wa i chong kha chong man ha Ri Bhoi heiwa ki chynrang ki wym em diah kynthai namo du kawi ka kynthai da lai chong kurim ki wa kiwa ym toh ki toh ki Khasi yow yoh ki u chim jait cha ki.
“Ha kam kini ki khep i dang pyrkhat i kammon wow leh ya kam kini ki kur ki jait kiwa da wanrah ya i dooh kur dooh jait wei kammon u leh wow pynneh ya ka kur ka jait,” da ong u Shylla, uwa da pyntip leh ya ka bynta wa da wanrah wow yaklam da ka MDC na Nongpoh Constituency ka Rona Khymdeit.
Toh na kini ki daw wa ka KHADC ympu ye ko u booh tarik wa tikna neibynta ka dorbar wa kyrpang yow yoh u paan ya ka mynjur ya kani ka Bill.
U HS Shylla da ong u wa ka KHADC daw thooh yutip bniah chooh chooh ko hajrong ki kur wa bood ya kani ka rukom poi kha poi man ha Ri Bhoi kawa da em nadooh ki warim kawa da tip kam ka Shaw Bhoi.
U Shylla da pyntip u leh wa em ki kur ha Ri Bhoi kiwa dang bood ya kani ka rukom poi kha Shaw Bhoi, heiwa u chynrang ye u wow lai thooh kurim da kiwi ki jaitbru lada ym em khon kynthai ha yung ki yow pynim ya ka kur ka jait.
“Man ko kawa kyllaiñ bha wa kawa ym poi cheiwon iwon wei emkaam wow pyrkhat bha wei wow thooh bniah ya i chong kurim cha Ri-bhoi,” ong u Shylla.
U Shylla da kdaw che u leh wa ym em wow khang ya ka chongkha khleh na ka liang ka kynthai katwa lada u shynrang yoh kurim u da kawa ym toh ka Khasi wei haap bood u da ka rukom “Tang Jait” ya ki khon wa da kha na kiwi ki jaitbru.
Discussion about this post