Chirup wa ki tiar na Meghalaya daw lilam ya ki tiar wa yoh sñiawbha u Modi

Ki tiar ka thaaiñ chaneiñ mihsngi ka ri namo ka North East India daw embynta ki hei wow dai lilam lyngba ka e-Auction kiwa man kam ki tiar wa da e sñiawbha cha u Prime Minister ka ri u Narendra Modi.

Kini kynthup ki ya ki tiar wa da yoh u na Assam, Nagaland, Meghalaya, Sikkim wa Arunachal Pradesh nadooh ki tupri na Assam, ki that ryndia na Meghalaya, ka Shawl na Nagaland, ka that Muka wa kiwi kiwi. 

Da em leh ki tiar kam i tah ya i dur u Mithun ha u dieñ na Nagaland, ka lieñ wa da tah na u chken na Meghalaya, i dur bula u Garuda na Mjuli wa kiwi kiwi.

Ya kini ki tiar u lilam ha ka Prime Minister’s Mementos e-Auction 2025 ha New Delhi heiwa u kynthup ya ki tiar wa da e sñiawbha ya oo na kylleiñ ka ri.

Related posts

Dang em ki kattu katni ki khon ka Ri-loom Jaiñtia wym tip ki wa ki toh ki Indigenous Tribe: Lasky Rymbai

March 20, 2026

I sarom ya ka JHADC wym em ka Website wa krehkaam pynsñiaw ki MDC Liang Pyrchah

March 20, 2026

Ini i lilam u kut i ha ka 2 tarik u Naichiphaw, 2025 wei man ko ka kabu wow thied ya kini ki tiar sy’at dor kamjooh wow kyrchaan ya ka Namami Gange Project kawa man ka thong krehkaam ka sorkar wow pynkhooid ya ka wah Ganga.