15 49.0138 8.38624 1 0 4000 1 https://wyrta.com 300 0

Chit ka yania hei yatoh wa ka Tura Medical College ynne ka sngi

0 Comments

Shillong: U montri wa pait ya ka Parliamentary Affairs u Prestone Tynsong wa uwa yahkhmat ka liang pyrchah u Dr. Mukul Sangma, ynne ka sngi da yania chongchit ki ha ka kynta kylli hei yatoh wa ka Tura Medical College wa da wanrah da u MLA ka Rajabala, u Dr. Azad Zaman.

I yania da mih i hadien wa u Dr. Mukul da yieñ u wow batai ya ki daw wa da booh mooyurim ar sien ya ka Tura Medical College, uwa da pynbaad wa kani ka kaam da kylla ko cha ka kaam Politics. Tangwa, katwa u Dr. Mukul dang klam u wow kylli pynrap, u Prestone da yieñ u deiwa ong wa uwa yahkhmat ka liang pyrchah ymtoh u batai u ya ki daw tangwa toh u kylli bait u katkam wa jooh leh ha ka dorbar.

Ha ini ipor, u Lamphang ka yung dorbar, u Dr. Donkupar Roy da phah u ya u Dr. Mukul wow kylli hi-eh u. Kani ka phang da chit ko hadien wa ka MLA na South Tura, ka Agatha Sangma da kylli ko na u montri ka tnat i chait i khiah wa neiyi i daw emkaam wow booh mooyurim hadooh ar sien ya ka Tura Medical College.

Neiliang u montri i chait i khiah, u AL Hek hawa jubab yeiwa kylli, da ong u wa ya u mooyurim da booh ar sien, chisien ha u snem 2012 wei chisien won ha u snem 2017.

Da pyntip u wa i daw toh wa i thaw wa booh mooyurim ha u 2012 ym yahaap i wa ki kyndon ka Medical Council of India (MCI).

U Hek da ong u leh wa ya ka mang poisa da bhah 90 percent na ka sorkar pyrdi katwa 10 percent na ka sorkar jylla.

Chwa ini neiliang u Conrad K Sangma da ong u wa ka sorkar daw pyndep ko ya kani ka thaw puræ hapoh ka 5 snem, da ong u wa i pynlut neibynta ini da phah cha ka tnat muna poisa ka jylla ha u Thohlakhmi uni u snem.

Da pyntip u leh wa nyngkong da mang wow pynlut T. 189 klur, tangwa da rah won hadien cha ka T. 234.89 klur katkam i emkaam.

Advertisement ad1

0 Comments

Leave a Reply