Kam chibynta i jop wow yada ya ki mrad khloo, ha ka sien wa nyngkong da yoh u riñ ya u Hulu (Western Hoolock Gibbon) wa pynemkaam u ya ka yingkieñ wa kyrpang wow kaap cha chiliang ka luti rel ha Hollongapar Gibbon Sanctuary, Assam.
Kini ki yingkieñ wa kyrpang namo ki Canopy Bridge toh kiwa da booh hapoh ka Sanctuary wow yada ya ki Hulu hawa lai luti ki yow lait nei chah yooh ha ka rel.
Ya kini ki yingkieñ da booh narjrong ka luti rel wa lai na Lumding cha Dibrugarh heiwa ka rel da lai ko na napyrdi kani ka Sanctuary.
Ya kini ki yingkieñ da chna dei yarap ka Assam Mountaineering Association (AMA).
Neiliang u Chief Minister ka Assam, u Himanta Biswa Sarma da ong u wa da sdang u yoh u yoo wa pynemkaam ki Hulu ya ka yingkieñ yow lai najrong ka luti rel, deiwa pynrap wa emkaam hi ya ka stat ka juk katni wow kreh ko hei wow yada ya ki mrad.
Discussion about this post