Chna ka sorkar da ka Task Force wow pait ya i yoh i la ka jylla

Shillong: Ka sorkar jylla ynne ka sngi da mynjur ko wow chna ya ka Chief Minister’s Task Force wow pait ya i yoh i la ka jylla nei chah ktah ha ka khlam u COVID-19.

Hawa pyntip yeini i rai ka yalang yong ka dhab ki Montri, u Symbood Montri Rangbah ka jylla, u Prestone Tynsong da ong u wa neibynta ini, ka sorkar da rai ko wow chna leh ya ka Executive Committee wow khlieh da u Montri Rangbah, heiwa ki dkhot u kynthup ki ya u Symbood Montri Rangbah, u Montri i kaam rep, u Chief Secretary, u Secretary ka NEC wa kiwi kiwi ki bru chemphang ka jylla.

Chooh chooh da pyntip u wa ka sorkar da thung ko leh ya 6 tylli ki Working Group wow khlieh da ki khlieh sahep ki chnat ka jylla, wei kini u krehkaam ki katkam ki chnat wa pait ki wei daw rah ki ya ka bui ha ka Executive Committee, wei hadien won daw rah ya ka cha ka dhab ki Montri wow rai ya i rukom krehkaam ki chnat waphær waphær.