Kam chibynta i thong ka Ministry of Railways yow pynthymme ya kiwa boon ki Railway Station hapoh ka ri. Artylli na kini ki Station kiwa da dep wow chna pynthymme deiwa booh leh ya iwa emkaam kiwa lai luti toh ka Salem Junction ha Tamil Nadu waka Dimapur Station ha Nagaland.
Yaka Salem Junction da pynlut T. 5 Klur yow pynmait yei dur ko na khmat, da chna leh da ki chram thymme ha pchem ko da kiwa rap tbian yow pynduna yei biah Poster wei da booh leh jar jiar ki luti wow psiah ki Bus, ki kari kamai kam ki Auto, ki Taxi wa ya ki kari ki bru samen. Da booh leh ya i thaw ya ki kari wa kamai deiwa pynemkaam da ki App.
Da booh leh ya i pynche ya kani ka Station ki wow u pynkop ha ki sngi wa kypang ka ri kam haka Independence Day wa Republic Day, ha ki le rong ka lama ka ri.
Da booh leh ya ki Braille Boards neibynta ki bru wa duna hei bor khmat, wei da booh leh ya ki paikhana ha ka Platform No. 1, No. 2, No. 3 wa No. 4 katwa yaka Platform No. 5 dang pynchna. Da booh leh ya ki BMI kiosks, ki Massage Chairs wa ki Pulse Kiosks.
Ya kiwa dang sah yow pynman ya kani ka Railway Station kam ka Airport deiwa booh leh sa ya ki Lift wa ki Escalator dang lai ki cha khmat wei daw pyndep ha u Naiynru uni u snem.
Yaka Dimapur Station kawa em hapoh ka Lumding Division ka Northeast Frontier Railway da pynlut T. 2 Klur wow chna pynthymme yei dur yong ka deiwa booh pynthymme leh ya i thaw booh kari, da pynchna leh yei thaw psiah yow man ko katkam i rukom chna wa em hapoh Nagaland, i thaw yang wa em 60 tylli ki thaw chong kawa em Air Conditioning wa kiwi kiwi de.
Ka Dimapur Station chwa wow chna pynthymme 
Ka Salem Station chwa wow chna pynthymme 
Ka Salem Station hadien wa dep chna pynthymme
Discussion about this post