Jowai : U sarok nadooh na Ummulong hadooh Nartiang uwa tip leh kam u Major District Road uwa da chna da u MLA ka Nartiang Constituency u ma Sniawbha Dhar katkam i kam u Vice President ka WJNC, Moodop Unit u H.N. Sutong da kam wa chna tangdep donhi yow pynbiej paidbah ha ki por chwa election.
Da ong chooh chooh wa uni u sarok man u kamwa chong kule heipor wa lai ha oo. Ini i chna tangdep ya uni u sarok da pynchrai ko ya ki paidbah wa im cha kani ka thaiñ.
Neiliang kani ka seiñ ong ko wa ym chong kyllaiñ kti yo wei daw booh ko da ka RTI yow chem tre yei rukom chna ya uni u sarok. Kattæ leh ka seiñ dang elaad ko ya u contractor yow pynmiat biang ya kani ka sarok hapoh chi bnai.
Uni u sarok wa jrong kamwa 10 Km toh da chana hapoh ka scheme PMGSY kamtæ toh u pait ya oo da u contractor hadooh san snem nadooh wa dep, i chna yei wa sih won toh pyndaka poisa wa da su cha u contractor.
Lada ye u leh yeini (repair) ka seiñ ym pyrchah ko yeiwon yeiwon lada bood ki ya ki kyndon ka aiñ.
Discussion about this post