Shillong: I thap pyrtuid ki kyrtong neibynta ka Election MLA 2018 da chongchit bha ko ha kylleiñ ka jylla deiwa wan ki kyrtong na ki party waphær waphær kamjooh ya kiwa kyrchaan ya ki cha ki thaw thap pyrtuid.
Ynne ka sngi toh ka sngi wa ynru neibynta wow thap pyrtuid. Waroh ki kyrtong wa da thap pyrtuid da kynjoh ko cha ka 106 ngut ha kylleiñ ka jylla wa kynthup na ki party waphær waphær nadooh ka United Democratic Party (UDP), Hills State People Democratic Party (HSPDP), Indian National Congress (INC), National People’s Party (NCP), People Democratic Front (PDF), wa kiwi kiwi nalor ki kyrtong samen.
Napyrdi kini kiwa da thap pyrtuid ha East Khasi Hills kynthup ki ya u Ardent M Basaiawmoit (HSPDP) na Nongkrem, u Himalaya Muktan Shangpliang (INC) na Mawsynram, ka Teilina Thangkhiew (HSPDP) na Mylliem, u Samlin Malngiang (HSPDP) na Sohiong, u John F Kharshiing (INC) na Nongkrem, u Starfing Pdahkasiej (NCP) na Mawsynram, u Process T Sawkmie (INC) na Mawlai, u Pynshngain N Syiem (PDF) na Mawsynram, u David Nongrum (INC) na Mawryngkneng, u Charles Pyngrope (INC) na Nongthymmai wa u Jemino Mawthoh (UDP) na Nongthymmai nalor kiwi kiwi.
Na South West Khasi Hills kiwa da thap pyrtuid kynthup ki ya u Martin M Dango (INC) na Ranikor, u Rowell Lyngdoh (NPP) na Mawkyrwat, u Enbin Kharaswai (KHNAM) na Mawkyrwat, u Pius Marwein (UDP) na Ranikor, ka Pelsi Snaitang (BJP) na Ranikor, u Carness Sohshang (INC) na Mawkyrwat wa kiwi kiwi.
Ha Ri-Bhoi District kiwa da thap pyrtuid kynthup ki ya u president ka MPCC, u Dr. Celestine Lyngdoh (INC) na Umsning wa u Ngaitlang Dhar (NPP) na Umroi nalor kiwi kiwi.
Discussion about this post