Chongchit ka dorbar ynne ka sngi wa kylli u Dr. Mukul yeiwa yahkhmat ka BJP ya ka sorkar MDA

Shillong: Ha kani ka dorbar da em chwa ka pynyoo bor ya i boon paaid ynne ka sngi wei kani ka dorbar da chit ko syndet syndet hadien wa uwa yahkhmat ka liangpyrchah, u Dr. Mukul Sangma da kwah u wow paan pynche na ka liang synchaar, lada kani ka sorkar MDA toh kawa da yah da ka BJP namo i yakrehlang waroh ki party.

U Dr. Mukul da ong u leh wa lada ki paidbah da ebor ki wow synchaar ka BJP ha kani ka jylla wei ki paidbah kwah ki u tip yeini.

U Dr. Mukul da ong u wa heipor Election, ki paidbah da pynche ki yei pyrchah ya ka BJP wei waroh ki Party ong ki wa pyrchah ki ya ka BJP tangwa kamwa man katni da kyrchaan ki ya ka BJP.

Heini i por, u MLA ka BJP na South Shillong, u Sanbor Shullai da yieñ u joit deiwa jubab khor ya u Dr. Mukul deiwa kylli lada ka BJP pyrchah ko ya ki paidbah lada ka BJP pyrchah ko ya ki Christan.

Related posts

Yieñ ki kari syad dor ha JHADC tangwa yeiwa emkam dooh wei ym yoh poisa

July 24, 2025

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Heini i por u Lamphang, u Dr. Donkupar da pynjem u ya ini wei da hukum u ya u Montri Rangbah u Conrad K Sangma wow pynche hajrong iwa da kylli u Dr. Mukul wa yi wa yah ya ka sorkar.

U Conrad hawa pynche da ong u ya kani ka sorkar da chna da i yakrehlang ki Party hapoh ka satri yong ka National People’s Party (NPP).

Hadien ini, u Lamphang da pynjem u ya ini i yania wei ini i pynyoo bor da jop da ka liang synchaar wa yahkhmat da ka NPP.