Ka yalang pynskem ya ka Nartiang Pohshnong Unit ka NPP wa da pynman hei miet ka 7 tarik uni u bnai ha Nartiang Pohshnong da man ko kawa chongchit heiwa palat 700 tam kiwa kitkaam wa ksohkaam da wan ki cha ka yalang.
Da yoh yei klam pdiang burom lyngba u Waheh Chnong uwa da e khublei ya ki khon ka chnong waroh yei mynsien yatylli yong ki wow wan cha kani ka yalang pynskem ya ka Unit. Da ong u leh wa kam uwa kyrchaan bha ya u Sniawbhalang Dhar ha ki por wa da lai, da man ki kiwa nyngkong bait hapoh chnong wow e ya ka Vote. Kamtæ ngait skem u leh wa ha uni u snem katkam wa wan kiwa kitkaam wa thymme na kiwi ki Party kiwa da ya ksohtkti lang ki wa ka Party NPP, da pynkhlan chooh chooh ko ya ka Unit heini.
Neiliang u Sniawbhalang da e khublei u ya u Waheh Chnong wa ya ka EC chnong waroh wa da e sñiawbha ki ya ka Dorball Hall wow pynman ya kani ka yalang, da e khublei kyrpang u leh ya kiwa kyrchaan yong oo kiwa da em sakhiat yeitæ i mynsien yatylli kam ka chnong wei ngait skem u leh lyngba kani ka yalang ha kani ka miet daw taan chooh chooh ko ya kiwa boon ki paidbah ki wym pu em kyrchaan ya oo.
“Nga da yoo sakhiat O wa ki paidbah ka Nartiang Pohshnong dang em ki i chaniah ha nga neibhah chiboon ki kaam pynroi wa da dep leh O ha kani ka chnong ha ki 4 snem wa da lai,” da ong u Sniawbhalang.
Da kyrpaad u ya kitu ki dkhot wa ksoh kaam wym hoi u sñiawsarong wei kitu ki wym yoh leh ym hoi u sñiawsih ki neibhah waroh man ki ki bru yong oo wei deiwa ya krehlang man i i bor.
Da pynskem leh ya kiwa kitkaam ka Nartiang Pohshnong NPP Unit kiwa man kamni ha wah:
President- Hed Maria
Vice President- Donkhian Pyllut
Secretary- Raja Raliang
Asst. Secretary- Andy Sumer
Adviser- Sati Symblai, Bait Myria, Bunlang Phalyngki, Leiwot Myria, Sati Maskut, Chemphang Myria, Manbha Shylla.
