Jowai: U kyrtong ka UDP u Shanbor Sumer na 12 Barato-Mukroh Constituency ha kani ka 22 tarik da pynman u ya ka yalang ha ka Dorbar Chnong Mukroh kawa da wan chimbynta chongchit kiwa chong chnong Mukroh.
Ki paidbah ka chnong Mukroh dang pyrkhat sani bha ki wow pynyieñ kyrtong du uwi donhi yow ye ki u e yei kyrchaan neibynta kani ka Election MDC yong u snem 2019.
U Shanbor Sumer da rai u wow yaleh naka Party UDP hei ya krehlang lang wa u MLA ka UDP yong ka 4-Mowkaiaw u Nujorki Sungoh.
U Shanbor toh uwa da yoh leh ya ka Ticket ka Party UDP kat kam wa man katni.
Ha kani ka sngi wa pynman yaka dorbar da emlang leh wa u MLA, uwa da kyntu joor leh ya ki paidbah yong ka chnong ka thaw wow e yei kyrchaan wa pura ki ya u Shanbor Sumer khnang yow yoh u ye u wanrah ya ka roi ka paar kawa rap smat cha kani ka thaaiñ, wa ha ka Constituency hi waroh kawi deilang wa i kreh chitom yong oo.
Discussion about this post