Chongchit ka yaseiñ yalap ki khon khynroo ka Balang Catholic ha Barato Parish 

Ka seiñ khynroo khyllood ka Balang Catholic yong ka Jowai Diocese hapoh ka lama ka Jowai Diocese Catholic Youth Movement (JDCYM) wa kynthup ya ka East wa West Jaiñtia Hills District, Meghalaya da pynman ko ya ka Yaseiñ Yalap ha ka 8 wa 9 tarik uni u bnai ha chnong Barato wa haap ha U Krist Syiem Parish Barato, West Jaiñtia Hills heiwa ka phang yong kani ka yalap man ko “To suhthied bad to nangsan ha U” (Kolosse 2:7). 

Ha ka 8 tarik da sdang ya ka sngi da ka Mass Wakhooid wa i pynhær ya ka lama ka seiñ da u Recallme Biam kam u kongsan, u Romeo Lamare kam u symbood kongsan deiwa emlang u Rev. Fr. John Myrboh, Parish Priest ka Barato Parish, u Rev. Fr. Manbha Pakem, Diocesan Youth Director, ki Sister wa kreh ha Barato Parish, u President ka Seng Samla, u Mutshwa Thabah, u Secretary Seng Samla, u Emansing Sympli, ki Executive Members ryngkat ki hajar ngut ki khynroo khyllood kiwa wan na kylleiñ ki Parish yong ka Jowai Diocese.

Ki khynroo khyllood da yoh ki leh wow lai pait ya ki manyung Christan kiwa em ha chnong Barato heiwa da yasyllok leh wa ki wow e yei kyntien ngoohblai. Katwa heipor janmiet da pynman ya ka yalap wa ka mane Sacrament da u Rev. Fr. Manbha Pakem. 

Ha ka 9 tarik nawon da sdang da ka Mass Wakhooid hapoh i yahkhmat u Rev. Fr. Ferdinand Dkhar, Diocesan Administrator ka Jowai Diocese wei da yoh ya ki kyntien pdiang sñiawbha na u Mutshwa Thabah wa i rwai na ka Parish Mookyndeng. 

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da pynbood leh sa ya ka Mass Wakhooid heiwa da pynlait ya ka Riti Synchaar (Constitution) ka Seiñ khynroo khyllood ka Jowai Diocese da u Rev. Fr. Ferdinand Dkhar hei emlang kiwi ki Lyngdoh Sohblei wa ki hajar ngut kiwa ngait niam ka Jowai Diocese ya kawa jooh tip kam ka Indian Catholic Youth Movement Jowai Diocese (ICYM-JD) wei nadooh kani ka sngi u tip noh kam ka Jowai Diocese Catholic Youth Movement (JDCYM).

Heipor nohchariñ ka sngi da yoh ya ki kyntien yalap na u Dominic Thappa, wa na u Rev. Fr. Manbha Pakem DYD- JDCYM. 

Ya kani ka sngi da pynkut deiwa pynhiar ya ka lama ka seiñ da u Dawan Lyngdoh u MDC ka Mynsngat- Khanduli Constituency.