Ka Dorbar Chnong Tympang Iawmusiang hei miet ka 16 tarik da pynman ko yaka rynsan yania namo ka Common Platform neibynta ki kyrtong ka 2-Jowai Constituency wei da wan chimbynta ryntih da waroh 5 ngut ki kyrtong wa kynthup ya u Moonlight Pariat naka UDP, u Daniel Dan naka INC, u Wailadmiki Shylla naka NPP, u Allan K Suchiang naka BJP wa u Awhai Andrew Shullai naka TMC.
Chwa wa ki kyrtong yohlaad ki u pynsñiaw ya jar jiar ki ñia, ki yurim ha kani ka Common Platform, da yoh chwa i klam pdiang na u waheh chnong ka Tympang Iawmusiang, u Ajoy Liwait uwa da khana leh wa kani ka Common Platform man ko leh kam chibynta i lehkmen yaka synchaar paidbah namo ka Democracy.
U R. Lamar kam uwa pynlai ya kani ka rynsan pynyoo ñia pynyoo yurim ki kyrtong, da e u leh yei klam wai phang heiyatoh waka Democracy.
Yow jied uwon u kyrtong wow klam nyngkong, wa ar, wa le ter-ter, da pynklah nasib chwa heiwa u Moonlight Pariat da yoh u wow klam nyngkong, wa ar u Daniel Dan, wa le u Wailadmiki Shylla, wa soo u Allan K Suchiang wa san won u Awhai Andrew Shullai. Wei yei klam da e laad hapoh 30 minit samen.
Neitæ yow yoh haroh ki kyrtong yei hok u saaid lane jubab yei yi wada klam wa da pynbaad ki kyrtong hachwa, kamtæ da e laad biang sa mar 5 minit samen u klam ki katwa ya u MLA wa katni da e laad wow klam u 8 minit deiwa pyrkhat wa oo toh rap boon iwa hap u wow klam næ jubab yeiwa da klam kiwi ki para kyrtong.
Ha kani ka rynsan iwa rap pynchongchit ya ki paidbah ka chnong Tympang Iawmusiang toh hawa e nia pynkut heiwa da pynyoo ñia uwi hadien uwi u kyrtong.
Ya kani ka yania waroh kawi ye phi wow pait ha ini i Video ha wah:
