theme-sticky-logo-alt
theme-logo-alt

Chongkun ka lehwarom Easter Sunday ha Jowai

Ka sngi Easter Sunday kawa man kawi na ki sngi wa kyrpang ki Christan da lehwarom ya ka ha kylleiñ ka pyrthai yow kynmoo ya ka sngi wa khai im biang u Jisu Chris hadien le sngi wa chah sah narphna u ha loom Calvary.

Ha Jowai yeini da leh ha waroh ki Balang Christan heiwa da yoh wow sakhi ha yung mane ka St. Theresa Shrine ka Jowai Parish, ka Balang Catholic kawa da wan wow chimbynta da ki para wa ngait.

Ha ka yaseiñ da em leh ka Mass Wa Khooid wa yahkhmat da u Administrator ka Jowai Diocese u Rev. Fr. Ferdinand Dkhar.

Ha ka tayaw chwa ka Easter da em ka tayaw wa khooid namo ka Holy Week kawa da sdang da ka Palm Sunday kawa man kam ka dak wow sahkynmoo yei psiah u Jisu cha Jerusalem wei ha kani ka tayaw da kynmoo leh yei chah chet kylla u Jisu kamjooh ya ka baam ja wa khaddooh namo ka Last Supper iwa da poi sa ka Good Friday kawa man ka sngi wa chah sah narphna.

U Fr. Ferdinand Dkhar da khana u wa ya kani ka Easter Sunday da tip leh ya ka kam ka Pascha iwa wan na ka ktein Hebrew kawa man leh i leh ya ka Passover ki Jew yow kynmoo ya ki kaam bah u Blai wow wai ya ka duriaw rong soo yow ye ki Jew wow lait na ki kti u Pharaoh.

Share this:
Previous

Khlaad uwa yalehke Table Tennis ka Tamil Nadu heipor wa lai cha Shillong

Next

Da pynkrehkaam ya ka rynsan ujor ki paidbah wa chah chim kabu hawa thied tiar ha Amlarem SD