Jowai : Ka seiñ All Biate Students Association (ABSA) Jowai Unit ynnin ka 23 tarik da pynman ki ya ka yachemlang wa 16 ki jaitbru Biate wa sah ha Jowai ya kawa da tip leh kam ka 16th Annual Social Meet 2016, ha District Library Auditorium, Jowai.
Ha kani ka yachemlang, u Chairman ka JHADC u Arbor Hima Darnei da man u kam u kongsan katwa u SP ka West Jaiñtia u R. Muthu wa ka DMC ka SEMAM, SSA ka Dr. Lalthlamuani Darnei da man ki kam ki symbood Kongsan, hei emlang u President ka JSU u Rikut Parein, u Vice President ka Biate Devanpui u Dinga Ngaite wa kiwi kiwi.
U R. Muthu hei klam yong oo da e yaroh u ya kani ka seiñ kawa ye u wanrah ya waroh ki paaid ka jaitbru Biate wa sah ha Jowai nadooh ki khynnah hadooh waheh wow wan yachemlang ki ha kawi ka thaw. Heijooh i por u Muthu da e mynsien u leh ya ki khynnah wow man ki kiwa minot wei wow man ki kiwa tista yow poi ki ha ka thong ka yong ki neibynta i bha i miat ka imlang sahlang.
Ha kani ka sngi da yoh ya ki rwai ki siaw, ki chaad na ki khynnah wei da pynkup burom leh ya ki le ngut ki khynnah kiwa da wanrah naam ya ka jaitbru Biate hei puræ puthi kam ya :-
Ka Jenevi Thiate kawa da yoh 1st class ha ka Master of Librarian & Information Science.
Ka Hannah Darnei kawa da yoh 1st Division ha ka SSLC (MBOSE)
Ka Renglyngkhamdongi Nampui kawa da yoh 1st Division ha ka SSLC (MBOSE)
Na ki kaam pynwyrngia da em leh ka yakop miat kynthai wa u bha chynrang heiwa yei naam Miss ABSA da yoh da ka Hannah Darnei katwa yei naam Mr ABSA da yoh da u Edwin Nampui.
Discussion about this post