15 49.0138 8.38624 1 0 4000 1 https://wyrta.com 300 0
Advertisement ad1

Chrai ka AJYWO yaka MeECL wym biang e bordiñ ha ri-loom Jaiñtia

0 Comments
Advertisement ad1
Advertisement ad1
Advertisement ad1

Jowai: Ka AJYWO Central Body da pynsñiaw ko yei chrai ya ka MeECL na i daw wa ym biang i rukom e bording ha ri-loom Jaiñtia kawa da ktah joor ya ki paidbah khamtam ya ki khynnah skur chiboon dooh.

“I wym biang ka rukom saam bordiñ yong ka MeECL la kattu katni bnai ha ri-loom Jaiñtia da ktah joor khamtam ya ki khynnah skur ha ka puræ puthi yong ki wei kamjooh ya ki paidbah yong ka thaaiñ nadooh ki manyung mansem ki yung krehkaam ka sorkar, ki dukan, wa kiwi kiwi de ki bynta”, ong u Reachingson Siangshai, Vice President jong ka AJYWO.

Ka AJYWO ka pyrchah joor ko ya i pyndooh bordiñ (Load Shedding) yong ka MeECL ha i por miet nadooh 9:00 waje neidaw wa dang toh i por wa dang emkaam ki paidbah ya i bordiñ. Ka seiñ ym ye ko wow pdiang ya ini i leh ka MeECL. Ka seiñ da yoo wyrai ko wow yoo ya ki khynnah puræ wa hap ki wow pynemkaam da ki mombati, ki Emergency Light næ ki charak, iwa ktah bha ya ki khmat yong ki nalor i lut i sep kawa heh.

Ka AJYWO da pynsñiaw ko leh wa ini i leh yong ka MeECL daw ktah joor ko ya ki manyung wa dooh wa duk wa da hap ki u su ar tylli ki bai bordiñ kawa heh kawa khlem yoh u pynemkaam yaka bordiñ wei sa u pynlut wow thied mombati næ charak ne Emergency Light.

“Cheiwon wiar ka bai bordiñ wa da su ki paidbah man i por kawa pynman ya ka MeECL wym ye ko wow pynbiang bordiñ wa tikna ya ki paidbah?” da kylli u Siangshai.

“Ka bordiñ man ko ka wi na kiwa emkaam wa ha khmat dooh ha ka juk wa katni tangwa i rukom saam bordiñ ka MeECL katkam wa man katni, pynyoo wa da lai biang chadien cha ka Juk Moo (Stone Age). Ka MeECL da toh wow kheiñ duna noh ko yaka bai bordiñ,” ong chooh chooh u kyrwoh na ka AJYWO.

Advertisement ad1

0 Comments

Leave a Reply