15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1
Advertisement ad1

Leh bha ki skur na Shillong wa na Tura haka SSLC

0 Comments
Advertisement ad1
Advertisement ad1
Advertisement ad1

Jowai: Ka Result ka Secondary School Leaving Certificate (SSLC) wa pynbna da ka MBOSE ynne ka sngi da leh bha ka St. Mary’s Higher Secondary School, Shillong kawa em 6 ngut ki khynnah yong ha ka Top 20 Merit List katwa ka Sherwood School, Tura won da mih pyrtuid 5 ngut ki khynnah yong ka.

Haka Top 20, ki skur wa na Tura da em ki 9 tylli, na Shillong won 18 tylli wei ki skur toh kiwa phær wa phær wa em ha kini ki sor kamjooh na kiwi ki bynta ka jylla.

Advertisement ad1
Advertisement ad1

Na ri-loom Jaiñtia da mih pyrtuid ka Q.C. Springside English Secondary School, Jowai heiwa u khynnah yong ka u Luigi Dalian Pasweth da poi u haka kyrdan wa le, ka Ibalahun Rymbai na KJP Synod Mihngi Higher Secondary School, Jowai da yoh ko hei kyrdan wa 13, u Kyrmen Hemiat Rymbui naka Marian Hills Higher Secondary School da yoh u yei kyrdan wa 14 da mih leh i pyrtuid ka skur Jawaharlal Nehru Memorial School, Lamin heiwa u Dimarkithmu Gayang da yoh u hei kyrdan wa 5.

Ha uni u snem waroh kiwa wan thoh Exam da poi ki 50050 ngut wei kiwa lait da poi ki 27887 ngut iwa mut ka Pass Percentage da poi ko 55.72 donhi iwa hiar naka 56.76% yong u snem 2018.

Kiwa boon dooh wa yaleh ya kani ka Exam toh na East Khasi Hills kiwa da poi 12769 ngut katwa kiwa duna dooh toh na South West Khasi kiwa em 1721 ngut.

Ka Pass Percentage wa heh dooh ha uni u snem toh yong ka East Jaiñtia Hills kawa da yaleh 1866 ngut wei da lait 1438 ngut wei da poi ka Pass Percentage 77.06 katwa ka Pass Percentage wa duna dooh toh yong ka South West Garo Hills kiwa yoh 25.92 ka Pass Percentage heiwa da yaleh 4549 ngut wei da lait 1179 ngut.

Na ki 615 tylli ki skur wa yaleh ya kani ka Exam, 100 tylli da yoh ki yaka 100% Pass Percentage.

Advertisement ad1

0 Comments

Leave a Reply