U heh ka Congress, u Rahul Gandhi da pynchrai u ya kiwa boon deiwa ong wa u Ram ymtoh u yong sakhait wei man u du kam u “Mythological Figure” namo uwa mutdur donhi da ki bru.
Yeini da ong u heipor yaklam ha kawi ka University wa em ha USA wei neiliang ka Bharatiya Janata Party (BJP) da khyrwait ko ya u Rahul deiwa ong wa man u pyrchah ya ki Hindu deiwa ong leh wa man u kam uwa pyrchah ya u Ram.
U Rahul Gandhi, uwa man leh kam uwa yahkhmat ka Liang Pyrchah ka Lok Sabha, da lai klam u ha Watson Institute for International and Public Affairs ka Brown University wei da ong u yeini hawa jubab yeiwa kylli lada ka Politics toh u man ko kawa pdiang ya waroh ki niam wa ki jaitbru ha kini ki por wa joor bha ka chongchit niam Hindu.
U Rahul da jubab u wa kiwa nachwa kiwa da wanrah yei kylla kamjooh ki khroo pyrkhat India ymtoh kiwa ngait biej wei ym ngiat u wa ka BJP toh kawa man kam kawa bood yei ngait Hindu.
Da ong u wa kini ki waroh wa man kam ki Mythological Figures nadooh u Lord Ram toh uwa sbun mynsien, uwa maap ya kiwi wei wa em mynsien wa maya. “Nga ym em kheiñ O ya ka BJP toh kawa em i yurim Hindu. Neibhah ki Hindu toh kiwa pdiang ya waroh wei kawa yaichah ya kiwi. Tangwa em ki bru hapoh kawi pa kawi ka jylla kiwa da yieñ wow yada wei kiwa da yap leh wow yada yeini kam u Mahtma Gandhi. Ha nga i choon ya kiwi mih ko nei tieñ ya kiwi nebhah lada ym tieñ iyi i daw wow choon ya kiwi.”
Hajrong ini, ka BJP da ong ko wa ka ri waroh kawi ym maap ko ya u Rahul yei wym ngait u wa em sakhiat u Ram wei ini pynyoo ko wa ka Congress man ko pyrchah ya ki Hindu wei pyrchah ki ya ka ri India.
Uwa e ktien ka BJP, u C.R. Kesavan da pynkynmoo u wa ka sorkar UPA ha u snem 2007 wa yahkhmat da ka Congress da booh ko da ka Affidavit ha ka Supreme Court wow ong wym em ki sabut wow pynsakhiat wa em sakhiat u Ram.
Discussion about this post