Chrai ka Congress wa khut u District Magistrate ya u Rahul kam u “Pappu”

Ka Congress da pynsñiaw ko yei wym sñiawsuk wei ym pdiang yeiwa thoh u District Magistrate ka Gautam Budh Nagar ya u heh ka Congress, u Rahul Gandhi kam u “Pappu” ha ki rynsan Social Media.

Ka Party da dawa ko leh wow pynchitom ya uni u sahep ka jylla Uttar Pradesh.

Hadien ini, u District Magistrate, u Manish Verma da pynche u wa em ki bru wa pynemkaam bakla ya ka Account yong oo.

Da ujor u leh ya ka FIR pyrchah yeini wei i takit dang lai i chaphrang da ka Cyber Cell wei da booh u leh ya i dur yong ka FIR.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Ini da sdang i hadien wa ka heh Congress, ka Supriya Shrinate da booh ko yei Video wa yaklam ko wa u Ashok Pandey uwa man kam u Historian heiwa da ong ko, “Ka History toh kawa da em wei ym ye de u pynkylla. U Narendra Modi tip u kammon ka History u kynmoo ko ya oo wei na ini i daw da pynkhuslai ko ya oo.”

Hawa jubab deiwa thoh (Comment) yeini iwa thoh ka Supriya, u District Magistrate ka Gautam Budh Nagar da thoh u wa emkaam u pyrkhat ko pyn ya ka hi wa ya u Pappu yong ka. 

Ini da pynchrai i ya ka deiwa ong ko wa u sahep sorkar da pynemkaam bakla u ya ka chuki wa chong u.